O sorte me crudél, o vite di serpínt

friulano

Josef di Strassolt XVI secolo Testi friulani del XVI secolo O sorte me crudél, o vite di serpínt Intestazione 13 settembre 2021 75% Da definire

O sorte me crudél, o vite di serpínt,
o maladete jete spasamade!
O ciam aflite tant e cruzziade,
esempli a dut lu mont ed ’e so int.

Oimé! pussíbil è ch’jo vadi in vint
par tant avê di cur custiè amade?
Al fin speranze buine ziart m’à dade
in lâ a l’ombre me simpri fuint!

Jo foi disgraziât fion in te fasse
plui d’ognún altri invêr cu vive al mont,
ed anc’ sarai dapò mitút in casse.

No i ài pur mai falít d’un mínim pont,
che puessi dî: O traditór, mai lasse!
Achí ’o cognòs s’tu fas di me un cont.

Ma sói di chei dal font
nassút sol par avê ogni martueri
Al mont sí cul mai fo ciascún, trist eri.