Canzone e Ariette nove/Canzone nove/Zincaresca

Zincaresca

../'E spezziale ca... ../Frunnell' 'amenta!.. IncludiIntestazione 6 novembre 2013 100% Letteratura

Canzone nove - 'E spezziale ca... Canzone nove - Frunnell' 'amenta!..
[p. 12 modifica]

Zincaresca.


E férmete, rilorgio, nu mumento,
     quanto cu ninno mio parlo ccà nnante:
     quanto sti ppéne meje tutte Ile conto:
     quanto c’ ’o chianto a ll’ uocchie isso mme sente...
     5Quanto sti ppéne meje tutte Ile conto....

Ninno! Io t’amaie pe chiste ricce nfronte!
     Ninno, io t’amaie pe st’uocchie tuoie lucente!
     Ninno, io nun dormo, e tu nun ne saie niente!
     Io mme cunzumo — e tu nne si’ ngnurante!
     10Ninno, io t’amaie pe chiste ricce nfronte....

[p. 13 modifica]

E làssela a chest’ata, ca s’avanta
     ca dint’ ’e mmane soie te tene strinto
     e nun ce sta chi ’a mette pede nnante....
     Oi ninno! E famme vencere stu punto!
     15E làssela a chest’ata ca s’avanta....

E sia ludato Dio! Ninno accunzente....
     Sona, rilorgio, ca tu suone e io canto!
     Sona vintiquatt’ore alleramente,
     chesta è ll’ ora ca torna il caro amante!....
     20Ah, sia ludato Dio! Ninno accunzente!....