Canzone e Ariette nove/Canzone nove/Suspirata

Suspirata

../Bella, ca pe paura... ../'E spezziale ca... IncludiIntestazione 6 novembre 2013 100% Letteratura

Canzone nove - Bella, ca pe paura... Canzone nove - 'E spezziale ca...
[p. 8 modifica]

Suspirata.


Sciore ’e limone!
     E sciurillo ’e granato!
Ve dico a verità, si mme credite:
     ’a tanto tiempo aggio desiderato
5nu bello giuvinotto, oi, pe marito!
          E pe marito e bà!
     Ca mme dicesse
          tanta parole doce,
          a musso a musso...
               10Ah!...

Sciore ’e viola!
     E sciore ’e rosa ’e maggio!...
Nn’aggio visto uno scicco propet’ogge!
     E mme songo fatt’ànema e curaggio,
15quanno mm’ ha pezzecata liegge liegge...

[p. 9 modifica]

          E liegge liegge e bà!
     Pizzeche e vase,
               neh, addo’ sta scritto ca
               fanno pertose?!...
                    20Ah!...

Fronn’ ’e lattuca!
     E frunnella d’aruta!
Tutta stanotte so’ stata scetata...
     E int’ ’e llenzola, ca mm’hanno pugnuta,
25io mme songo vutata e revutata...
          Ah, si cu mmico — e bà! —
     stu ninno scicco
               stesse int’ ’a sti llenzola
               azzicco azzicco!...
                    30Ah!...