Canzone e Ariette nove/Canzone nove/Mammema dice...

Mammema dice...

../Na palummella janca... ../Fronn' 'e limone!.. IncludiIntestazione 6 novembre 2013 100% Letteratura

Canzone nove - Na palummella janca... Canzone nove - Fronn' 'e limone!..
[p. 18 modifica]

Mammema dice...


Mammema dice ca
     tu nun si’ bella...
     Mammema mme vo’ dà
     n’ata dunzella.
5E io lle dico ca sì,
     ca po’ mm’ ’a piglio...
     (Pecché ll’ aggia ubberì,
          ca lle so’ figlio!)
     Suffrisce, core mio,
          10suffrisce tutto,
               basta ca doppo
               pe chello ch’ ’è fatto
               tu rummane
                    cuntento
                         15e surisfatto!

[p. 19 modifica]


Mammema dice ca
     nun faccio overo,
     e ca cu ttico, no,
     nun so’ sincero...
     20E io lle vulesse dì’:
          — Mamma, e che dice!
          Chesto te pare a te,
          ma io so’ felice!...
     Suffrisce, core mio,
          25suffrisce tutto,
               basta ca doppo
               pe chello ch’ ’è fatto
               tu rummane
                    cuntento
                         30e surisfatto!