Canzone e Ariette nove/Canzone nove/M' punto 'e ccinche d' 'a matina...

M’ punto ’e ccinche d’ ’a matina...

../../Canzone nove ../Bella, ca pe paura... IncludiIntestazione 6 novembre 2013 100% Letteratura

M’ punto ’e ccinche d’ ’a matina...
Canzone nove Canzone nove - Bella, ca pe paura...
[p. 3 modifica]

M’ punto ’e ccinche d’ ’a matina


Mpunto ’e ccinche d’ ’a matina
     nn’ ’a sentite - ’a campanella
               d’ ’a cchiesiella
               ’e Donnalbina?
               5Fa — Ndin, ndon!...

Spanne ’o suono attuorno attuorno,
     e a chi dorme va dicenno:
     «Gué, scetateve, ca è ghiuorno!»
          9Ndòn, ndin, ndà!...

               Suono ’e campane!..
               Diceno ca tu faie
                    malincunia...
               Ma nun è overo!
               Pe chest’anema mia
                    tu si’ nu suono
                         16allero!

[p. 4 modifica]




M’ punto ’e sseie passa ’o craparo.
     E ll’ acàle ’o mateniero
               nu bicchiero
               int’ ’o panare...
               21Ndì, ndà, ndà!

Na campana scassatella -
     m’ punto ’e sette - int’ ’o purtone,
     sona ncann’ ’a vaccarella...
          25Ndàn, ndàn, ndà!...

               Suono ’e campane!
               Diceno ca tu faie
                    malincunia...
               Ma nun è overo!
               Pe chest’anema mia
                    tu si’ nu suono
                         32allero!

[p. 5 modifica]


Sona, sona a Donnalbina,
     campanella — d’ ’a cchiesiella!
               Se mmarita
                    Carulina!
          37Ohe! Ndàn, mbòn!..

Parrucchià, si ’a benedice,
     benedice pure a me!
     Io mm’ ’a sposo! Io so’ felice!...
                    Ohe!
                         Ndàn!
                              43Ndàn!...