Canzone e Ariette nove/Canzone nove/Fronn' 'e limone!..

Fronn’ ’e limone!..

../Mammema dice... ../Aria d' 'o setteciento IncludiIntestazione 6 novembre 2013 100% Letteratura

Canzone nove - Mammema dice... Canzone nove - Aria d' 'o setteciento
[p. 20 modifica]

Fronn’ ’e limone!


Fronn’ ’e limone!...
     Ma comme, nun ce sta n’ ato barcone?!..
     Uno nn’ esiste — e st’uno ’o tengo ’e faccia!
     4E Vostra Signoria piglie e ss’ affaccia.
E Vostra Signuria vo’ cagnà casa...
     Fronn’ ’e cerasa!
Pecchè ca se risturba, oi, si mme vede...
     8(E seciento ducate a chi ce crede!)

          E chi ce crede e ba’!...
     Ma i’ sa che saccio?
     Ca Vostra Signuria piglie nu terno
          12quann’i’ mm’affaccio...

[p. 21 modifica]


Fronn’ ’e giacinto!
     E già ch’è chesto, e trasetenne dinto...
     Ma stu barcone tuio ncaglia e nun chiure —
     16e chi ’e rimpetto sta, ndrinche, e tt’ affiure.
T’affiureno st’uocchie ammaistrate...
     Fronne ’e granate!...
E mme fanno assapé cchiù chiaramente
     20ca ’o barcone ’o nchiurite, oi, nfintamente...

          E nfintamente e ba’!...
     (Vuie mme piacite!
     Ma mme piacite assaie — si ’aret’ ’e llastre
          24v’annascunnite...).

[p. 22 modifica]


Fronn’ ’e viola!...
     Figliole comm’a me, sentite ’a scòla:
     Vulite ntussecà nu nnammurato?
     28Facite nfenta ca guardate a n’ato.
Nfenta facite, oi, comme nfenta io faccio...
     Frunnella ’e laccio!...

(Pecché si stu figliulo mme lassasse,
     32’a copp’a na muntagna i’ mme menasse!).