Canzone e Ariette nove/Canzone nove/Femmene, femmene!..

Femmene, femmene!..

../Ncop' 'o palcuscenico 'e l'Eden ../Duje caruofene... IncludiIntestazione 6 novembre 2013 100% Letteratura

Canzone nove - Ncop' 'o palcuscenico 'e l'Eden Canzone nove - Duje caruofene...
[p. 33 modifica]

Femmene, femmene!..


          I.


— «Femmene, femmene, femmene!...»
     — diceno tutte ll’ uommene —
     «Vuie site ’a corpa e ’a causa
     ’e tutte ’e guaie ca passeno
          chille ca nun suspetteno
          vuie che sapite fa!...
                    E lèvete,
                         arràssete!
                         E ndanderandà»!..

               Fronne ’e fenucchie!
          (Oi sciorta, oi sciorta nfama
                         e traritora!
          Ca primma ll’ alluntane —
                         e po’ ll’ accucchie!...)

[p. 34 modifica]


— «L’uommene, ll’ uommene, ll’ uommene!»
     — diceno tutte ’e femmene —
     Nun s’hanna maie cchiù sèntere!
     Nun s’hanna maie cchiù credere!
          Chi è d’ ’a razzimma ’e ll’ uommene
          ngalera ha dda fenì!...
               E scostete,
                    arràssete,
                    E ndanderandi!...»

               Fronne ’e fenucchie!
          (Oi sciorta, oi sciorta nfama
                    e traritora!
          Ca primma ll’ alluntane —
                    e po’ ll’ accucchie!...)

[p. 35 modifica]



          II.


Femmene? Tutte pèsseme!
     Femmene? Tutte nfame!
     E chesta nun è chiacchiera,
     ma è pura verità.
E ’a quanto tiempo ll’ uommene
     stanno dicenno chesto?
     E ’a quanta, a quanta sècule
     nun ponno maie lassà
               sti femmene?...
               (Sti femmene
          ca ’e fanno disperà!)

[p. 36 modifica]


Femmene? Cchiù terribbele
     d’ ’e gatte traritore!
     Vedite, a chi ll’ allisceno,
     che scippe sanno fa!
Embè, quanto cchiù ’e scìppeno,
     quanto cchiù ’e fanno male,
     cchiù chille se nce azzeccano,
     cchiù nun ponno addumà
               sti gatte... - (o sia,
               sti femmene
          ca ’e fanno disperà!)....