Canzone e Ariette nove/Canzone nove/Duje caruofene...

Duje caruofene...

../Femmene, femmene!.. ../Serenata a na vicina IncludiIntestazione 6 novembre 2013 100% Letteratura

Canzone nove - Femmene, femmene!.. Canzone nove - Serenata a na vicina
[p. 37 modifica]

Duie caruofene scarlate...


Duie caruofene scarlate,
          ca int’a ll’acqua ’e nu bicchiere
          tengo nfrisco ’a doje tre sere,
          nun se songo cchiù seccate.
     Cchiù de primma, anze, e cchiù meglio
          se so’ apierte e spampanate:
          cchiù adduruse e cchiù priggiate
          quase pareno accussì.
                         Sissignore...
                         Ma l’ammore,
               (mo ca ’o bbeco e ca ’o ccapisco)
                    Sarrafi, si ’o tieno nfrisco,
                         perde forza,
                         perde addore...
               E succede c’allafine
                         chillo ’e primmo...
               Chillo ’e primmo cchiù nun è.

[p. 38 modifica]


Dimme, dimme - (ca sincera
          si si’ tu pur’ io sarraggio) -
          tu si’ ’a stessa ’e quanno t’aggio
          canusciuta a primmavera?.
     E tu rire, e dice: «E dimme:
          si’ tu pure ’o stesso ’e tanno?
          O tu pure staie penzanno
          cierti ccose ca penzo i’?..»
                         Chillo pure!
                         Ah, ca l’ammore,
               (mo ca ’o bbeco e ca ’o ccapisco)
                    quanto cchiù ’o tenimmo nfrisco
                         perde forza,
                         perde addore...
               E succede c’allafine
                         chillo ’e primma...
               Chillo ’e primma cchiù nun è!