Canzone e Ariette nove/Canzone nove/Ce sta na cosa...

Ce sta na cosa...

../Oi ma', quanno... ../È stata Viulante! IncludiIntestazione 6 novembre 2013 100% Letteratura

Canzone nove - Oi ma', quanno... Canzone nove - È stata Viulante!
[p. 27 modifica]

Ce sta na cosa...


Ce sta na cosa
     c’abbruscia, ca coce,
     ca quanno s’appiccia
     4fa luce, fa luce.....
E ’o masterascio,
     ca nziemm’a ’o ferrare,
     ca nziemm’a ’o furnaro,
     8ca nziemme c’ ’o cuoco,
     ll’ annommena ’o ffuoco,
     na cosa cchiù llustra,
     cchiù ardita e cucente,
     12nun sape e nun sente...
     Va trova pecché!...
     Pecchè — nun te sape!
          Teresa!
          16Terè!..

[p. 28 modifica]

Ce sta na vocca
     ca pare na rosa,
     ca è nata p’ ’e vase,
     20ca è ddoce e azzeccosa!
E se sta zitta
     cu mme puveriello...
     Sta vocca ’e pupata,
     24ca pare n’ aniello!
Terè! Si’ crudela!
     Io so na palomma,
     ma tu na cannela
     28mme pare cu mme!..
     Me chiamme — e mm’abbrusce.
          Teresa!
          Teré!..