Canzone e Ariette nove/Ariette nove/Siente, si vide...

Siente, si vide...

../Doje «purticese» ../Pe Carmela... IncludiIntestazione 7 novembre 2013 100% Letteratura

Ariette nove - Doje «purticese» Ariette nove - Pe Carmela...
[p. 79 modifica]

Siente, si vide...


Siente.... Si vide a chillo
     nfamone ’e Gennarino,
     dille ca è n’assassino!
     No.... Nun lle di’ accussì!

Dille.... E sì, sì... Dincello
     ca è tristo! È scellarato!
     Ca sempe chesto é stato!...
     No... Aspetta.... Nun ce ’o ddi’...

E si lle dice: «Rosa
     vurria sfucà pur essa,
     simbè pur essa stessa
     sta incerta si ’o po’ fa...»?

No.... Di’ ca i’ sto’ chiagnenno!
     Dille ca io stongo ardenno!
     Dille ca io sto murenno!
     Ma portammillo ccà...