Canzone e Ariette nove/Ariette nove/Si stu mierolo...

Si stu mierolo...

../Che fa?... ../Ll' ato juorno IncludiIntestazione 8 novembre 2013 100% Letteratura

Ariette nove - Che fa?... Ariette nove - Ll' ato juorno
[p. 90 modifica]

Si stu mierolo mme sesca...


Si stu miérolo mme sesca
     quann’ i’ traso int’ ’o purtone,
     che vulite, ave raggione,
     nun mme pozzo ribbellà.
          Core a ccore isso m’ha visto
               ciento vote cu Nannina,
               core a ccore — ogne matina
               e ogne sera — raggiunà...

Mo vede a me sultanto. E fa stu sisco
     comme vulesse dicere: «Ch’è stato?»
     Comme vulesse dicere: «’O ccapisco:
     Nannina t’ha lassato...»

[p. 91 modifica]


     M’ha lassato. E sì, va bene...
          Mme disprezza — sta cu n’ato —
          mm’ha traduto — mm’ha cuffiato —
          c’aggia fa? Mm’aggia sparà?
               Si mme sparo e po’ che dice
                    sta simpatica vicina
                    ca è antipatica a Nannina,
                    e già stà pe s’abbuccà?...

Mìerolo, ca mo tuorne a fa stu sisco,
     si’ fino! Mme vuo’ di’: «Mo ll’ ’e’ ncarrata!
     Nannina è nfama? E tu miettela ’o ffrisco.
     Chesta è mmeglia ’e chell’ata!..».