Canzone e Ariette nove/Ariette nove/Aspetta 'a primmavera...

Aspetta ’a primmavera...

../Arillo... ../'O core d' 'a femmena... IncludiIntestazione 8 novembre 2013 100% Letteratura

Ariette nove - Arillo... Ariette nove - 'O core d' 'a femmena...
[p. 99 modifica]

Aspetta ’a primmavera.....


Aspetta ’a primmavera.
     Aspetta ca stu velo
     scuro d’ ’o vierno nu se vede cchiù.
     Aspetta. Aspetta
     na jurnata sincera,
     n’at’aria, n’ata luce e n’ato cielo...
(E ’a bella primmavera
     addurosa, è bbenuta —
     ma pe tant’ata gente e no’ pe mme.
     E, ’o ssoleto, è passata,
          fresca, priata,
               allera —
     e fermata nun s’è: se n’è fuiuta...).

[p. 100 modifica]

     Està, c’ adduorme — afosa,
          abbagliante, pesante,
          che martirio che si’!
Venesse autunno!
E cadessero ’e ffronne,
          lentamente,
nziemm’ ’o silenzio suio,
ncop’ ’a stu munno....
     (Ma che buo’? Ma che guarde,
          tanto luntanamente,
          anema mia scuieta?
          Che desidere cchiù,
               si è troppo tarde?...).