Canzone e Ariette nove/Ariette nove/'O core d' 'a femmena...

’O core d’ ’a femmena...

../Aspetta 'a primmavera... ../../Glossario IncludiIntestazione 6 novembre 2013 100% Letteratura

Ariette nove - Aspetta 'a primmavera... Glossario
[p. 101 modifica]

E tu pigliatillo...


’O core d’ ’a femmena
     è comme a na lettera nchiusa.
     Chi maie ce po’ leggere?
     Chi ’o po’ scanaglia?
          Mo abbruscia — mo spánteca —
               mo piglie e t’ammenta na scusa,
               pe nun te fa ntènnere
               ca sta p’avutà...
                         E tu
                    pigliatillo
                    accussì,
                    comm’ i’
     ll’ accetto e mm’ ’o piglio...
                    Vuo’ sentere?
                    E siente
               nu buono cunziglio.
               Cuntentete ’e nun sapé
                         niente.

[p. 102 modifica]

’O core d’ ’a femmena
     è comm’ ’o rilorgio guastato,
     ca mo ’o siente sbattere,
     mo ’o vide fermà.
          Inzomma, ch’è ’a femmena?
               Ched’è? Nu mastrillo aparato.
               E ’o povero sórece
               è ll’ommo, ecco qua.
                         E tu
                    pigliatella
                    accussì,
                    comm’ i’
     ll’ accetto e mm’ ’a piglio...
                    Vuo’ sentere?
                    E siente
               nu buono cunziglio.
               Cuntèntete ’e nun sapé
                         niente...